Caladh na Carraige (Ferrycarrig) a zo ur gêriadenn war gumun Na Crosa Beaga, tost-tre eus Loch Garman. Ul lec'h istorel eo gant he daou dour e pep tu eus ar pont. An hini karrezek zo bet savet e-pad ar bempvet kantvet evit kontrollañ ar bageal war stêr Sláine. An hini ront zo bet savet e 1858 hervez patrom re ar Grennamzer evit enoriñ soudarded ar c'hontelezh marv e-pad brezel Krimea. E memes lec'h oa gwechall ar c'hastell kentañ savet gant an Normaned e Iwerzhon goude o dilestradeg.
Irish Heritage Park zo bet digor e 1987 er c'hoad e-kichen. Kinnig a ra istor Iwerzhon eus ar ragistor betek ar Grennamzer. Evit pep amzer ez eus ur frankizenn gant savadurioù, evel ur crannóg evit an neolitik pe un drakkar evit an Normaned.
